Новиот селектор на фудбалската репрезентација на Македонија, Благоја Милевски, уште на стартот ќе го реновира А-тимот. Покрај Бојан Миовски, дебитантски повик во сениорскиот национален тим доби и Никола Серафимов.
Младиот дефанзивец кој игра за унгарскиот прволигаш Залаегерсег, доби повик за септемвриската сесија во која Милевски исто така ќе дебитира на селекторската позиција во А-селекцијата.
Милевски за неколку дена треба да го објави и официјалниот список на фудбалери на кои ќе смета за натпреварите против Ерменија, Исланд и против Романија, во квалификациите за СП во Катар 2022 година.
