Првата фудбалска лига денеска продолжува со натпреварите од третото коло. Согласно новите мерки на Владата како превенција од ширење на вирусот Ковид-19, натпреварите од ПМФЛ ќе продолжат да се играат со намален капацитет на публика, но ќе важат и нови регулативи.
Според протоколот за спроведување на мерки за заштита од коронавирусот, сите што ќе присуствуваат при влез на стадионот потребно е да приложат сертификат за вакцинација или потврда за примена најмалку една доза вакцина или доказ за прележан Ковид-19 во периодот од последните 45 дена.
На стадионите и понатаму ќе биде дозволено присуство на публика до 30% од капацитетот.
Во денешното трето коло, се среќаваат:
ШТИП: БРЕГАЛНИЦА – ШКЕНДИЈА (17 Ч.)
БИТОЛА: ПЕЛИСТЕР – ШКУПИ
СКОПЈЕ: РАБОТНИЧКИ – СТРУГА ТРИМ ЛУМ
ЃОРЧЕ ПЕТРОВ: МАКЕДОНИЈА ЃП – СКОПЈЕ
КАВАДАРЦИ: ТИКВЕШ – АКАДЕМИЈА ПАНДЕВ
ТЕТОВО: РЕНОВА – БОРЕЦ
