Македонскиот репрезентативец Езгјан Алиоски се договорил со турскиот гигант Галатасарај, тврди турскиот медиум „Сабах“. Тој ја прифатил најновата понуда на раководството на Галатасарај и се очекува во наредните неколку дена и официјално да биде претставен како ново засилување.
Во текот на вчерашниот ден, Фенербахче беше клубот кој имаше најголема шанса да дојде до потписот на Езгјан Алиоски, но „Сабах“ тврди дека работите се промениле и дека левиот бек на нашиот национален тим донел одлука да му пристапи на тимот на Фатих Терим.
Езгјан Алиоски по четири години поминати во Лидс Јунајтед одлучи да замине од „Иланд Роуд“ иако англискиот премиерлигаш сакаше да го задржи во тимот и за следната сезона. Во трката беа и Рома, ЦСКА Москва, Фенербахче, но најверојатно дека Галатасарај е победникот.
