Поранешниот напаѓач на Јувентус и Парма, Себастијан Џовинко, следната сезона треба повторно да игра во Серија А. Како што открива „Скај Италија“, Венеција сака да ја доведе „атомската мравка“. Првичните контакти се веќе остварени.
Договорот на Џовинко со Ал Хилал истекува на 1 јануари 2022 година и тој би бил спогодбено раскинат. 34-годишниот напаѓач е роден во Торино, дете е на „старата дама“, а играше и за Парма и за Емполи. Џовинко има 23 настапи за италијанската репрезентација во кариерата.
