Македонскиот второлигаш Гостивар со нов тренер ќе влезе во новиот шампионат од Втората лига Запад. Клубот и тренерот Дашмир Беари спогодбено ја раскинаа соработката.
„Ние како клуб му се заблагодаруваме на тренерот Дашмир Беари за подигнувањето на квалитетот на тимот. Тој со своето искуство придонесе да се бориме за врвот на табелата, ние сме му многу благодарни и му посакуваме успеси во натамошната кариера“, објавија од фудбалскиот клуб Гостивар.
Конкуренцијата во Втората лига Запад следната сезона ќе биде навистина жестока.
