Капацитетот на „Вембли“ ќе се зголеми на повеќе од 60.000 места за полуфиналето и финалето на Европско првенство, објави владата на Велика Британија. Ова значи дека стадионот ќе има капацитет да се наполни до 75%.
Тоа ќе биде најголемата „толпа“ што ќе ја видат Англичаните во изминатата година.
„Одлична вест е дека толку многу навивачи ќе можат да ги следат последните три натпревари на Вембли“, рече претседателот на УЕФА, Александар Чеферин.
Владата на Велика Британија го одложи укинувањето на сите ограничувања до 19 јули, но на натпреварите на „Вембли“, заедно со други спортски настани, им беше дозволен дополнителен капацитет под покровителство на Програмата за истражување настани.
Се шпекулираше дека овие три натпревари може да се преселат од Лондон во Будимпешта, доколку продолжат рестриктивните мерки, но разговорите за ова прашање продолжуваат.
„Овој турнир беше светилник на надежта за да ги убеди луѓето дека се враќаме на понормален начин на живот, и ова е понатамошен чекор на тој пат“, додаде Чеферин.
