Со победа од 3-0 против Турција на отворањето на Европското првенство, репрезентацијата на Италија под водство на селекторот Роберт Манчини ја продолжи серијата без пораз на дури 28 натпревари.
Во случај Италијанците да не ги загубат преостанатите два натпревари во групата против Швајцарија и против Велс, Манчини ќе стигне до рекордот на Виторио Поцо, кој во 30-тите години на минатиот век на клупата на Италија, нанижа 30 натпревари без пораз.
Најдолгата серија без пораз „аѕурите“ ја остварија од ноември 1935 година до декември 1938 година, кога под водство на “Векио Масестра” одиграа 30 натпревари без пораз, со 24 победи и шест нерешени средби. Сепак, што е уште поважно, Италијанците освоија со Поцо две светски титули ( 1934, 1938) и олимписко злато (1936).
Последниот пораз под водство на Манчини сегашната Италија го претрпе во септември 2018 година во Лисабон против Португалија (0-1) во Лигата на нации, а потоа забележаа 23 победи и пет нерешени натпревари.
Манчини веќе собори еден рекорд на Поцо со спојување на 10 последователни победи. Поцо комбинираше девет победи по ред. Манчини го презеде италијанскиот тим во мај 2018 година и под негово водство Италија забележа 24 победи, седум нерешени средби и само два порази на 33 натпревари.
