Јан Облак МВП на Ла Лига

Голманот на Атлетико Мадрид, Јан Облак, е избран за најкорисен играч во шпанското првенство за минатата сезона. Неговиот тим ја освои шампионската титула, а Облак беше еден од најзаслужните за големиот успех. Словенечкиот интернационалец е вистински столб на одбраната на составот на Диего Симеоне.

Облак имаше 80% успешност на одбранети удари, направи вкупно 103 одбрани во сезоната, а прими само 25 гола. Дури на 18 натпревари успеа да ја сочува мрежата на Атлетико Мадрид.