Италијанскиот калчолигаш Милан сака да го доведе францускиот репрезентативец Оливие Жиру и покрај тоа што клубот од „Стемфорд бриџ“ ја искористи клаузулата во договорот за да ја продолжи соработката со него за уште една сезона. Раководството на „росонерите“ верува дека Жиру не би имал против да се пресели во Серија А, посебно доколку добие уверување за многу поголема минутажа од таа што ја има во дресот на Челси.
Милан е подготвен да му понуди двегодишен договор на Жиру, но проблемот може да се случи во годишната плата. Италијанскиот клуб сепак не може да ја израмни понудата на Челси.
