Шпанскиот стратег Рафаел Бенитез е блиску до враќање во Премиер – лигата. Некогашниот тренер на Ливерпул сега би можел да стане нов менаџер на Евертон. Раководството на клубот бара искусно тренерско име по заминувањето на Карло Анчелоти во Реал Мадрид. Се чини дека Бенитез е квалитетно решение за клупата на „карамелите“.
Тој се споменуваше и како можен менаџер на Њукасл и на Тотенхем, но, сепак, Евертон реагираше многу побрзо и би можел експресно да ги договори деталите околу неговиот договор.
Бенитез во кариерата има импресивни 168 победи во Премиер – лигата со Ливерпул, Челси и со Њукасл.
