Напаѓачот на француската репрезентација и на Реал Мадрид, Карим Бензема, се повреди на пријателскиот натпревар меѓу Франција и Бугарија, една седмица пред првиот натпревар на ЕВРО против Германија. Холанѓаните, пак, останаа без играчот од средниот ред, Дони ван де Бек.
Бензема го напушти теренот во 39. минута од натпреварот против Бугарија (3-0) поради повреда на десното колено. На негово место во игра влезе Оливие Жиру. Европското првенство започнува в петок, на 11 јуни, а Франција е во групата Ф со Германија, Португалија и со Унгарија.
