Шпанската фудбалска репрезентација се бори со нападот на Ковид-19. По капитенот Серхио Бускетс, втора „жртва“ со позитивен тест на коронавирус, е дефанзивецот Диего Љоренте. Тој веднаш е изолиран и речиси сигурно ќе го пропушти стартот на Европското првенство.
Стравувањата кај селекторот Луис Енрике се дека пандемијата на Ковид-19 може сериозно да се решири и на останатиот дел од националниот тим, па „црвената фурија“ да биде десеткувана на Европското првенство.
Шпанија го стартува походот на ЕВРО против Шведска следниот понеделник. Противникот исто така има проблеми со Ковид-19, а во изолација е Дејан Кулушевски.
