„Л’Екип“ го објави идеалниот тим на фудбалери кои нема да играат на ЕП

Во пресрет на ЕВРО, престижниот „Л’Екип“ одлучи да го направи идеалниот тим составен од фудбалери кои ова лето нема да имаме шанса да ги гледаме на големото натпреварување.

Овој тим е составен од играчи кои не добиле покана за репрезентацијата што игра на Европското првенство и играчи чии тимови не успеале да се пласираат на завршниот турнир. Исто така, има неколку играчи кои беа принудени да го пропуштат ЕП поради повреди.

Јан Облак (Словенија) е на голот, додека Трент Александар-Арнолд (Англија), Серхио Рамос (Шпанија), Вирџил ван Дајк (Холандија) и Тео Хернандез (Франција) се во одбраната.

Силна конкуренција има и во средниот ред каде што се Едуардо Камавинга (Франција), Сергеј Милинковиќ-Савиќ (Србија), Доминик Шобошлаи (Унгарија) и Марко Ројс (Германија).

Во нападот „Л’Екип“ реши да ги вклучи Златан Ибрахимовиќ (Шведска) и Ерлинг Халанд (Норвешка).
Ибрахимовиќ се врати во репрезентацијата на Шведска по пет години и сакаше да игра на Европското првенство, но се повреди на самиот крај на сезоната во Серија А.