Раководството на Барселона размислува за доведување на фудбалерот од средниот ред на Наполи, Фабијан Руиз. Остварени се првични контакти со италијанскиот клуб, пренесуваат каталонските медиуми.
Сепак, преговорите не сè уште почнати. Барса верува дека би било тешко Руиз да му се приклучи на клубот ова лето, бидејќи Наполи би го продал само за сума од 50 милиони евра. Познато е дека тимот од “Камп Ноу” се бори со финансиски проблеми и досега сите засилувања во летниот преоден рок се слободни агенти.
Но, ова не е прв пат Шпанците да бидат поврзани со 25-годишниот фудбалер. Тие исто така беа заинтересирани за него кога на кормилото беше Кике Сетиен. Инаку, за време на изминатата сезона, шпанскиот репрезентативец одигра 43 натпревари за составот од Неапол, забележувајќи четири погодоци и една асистенција.
