Шпанскиот судија Матеу Лахоз после Европското првенство заминува во пензија. Тој имаше одлична арбитража во финалето на Лигата на шампионите во Порто, на дуелот меѓу Манчестер Сити и Челси.
Шпанскиот арбитар судеше без грешка, во неколку наврати мораше да донесе тешки одлуки кои беа прецизни и без помошта на ВАР. По завршувањето на мечот имаше и солзи на неговите очи, а денеска стигна објаснувањето.
Шпанските медиуми пишуваат дека 44-годишниот судија ќе стави крај на кариерата после претстојното Европско првенство.
Синоќа тој ја имаше и круната на својата богата кариера иако Шпанецот останува во конкуренција за делење на правдата и во финалето на Европското првенство.
