Канатларовски соработник во стручниот штаб на селекцијата У21

Селекторот на фудбалската репрезентација на Македонската до 21 година, Благоја Милевски, добива големо засилување во стручниот штаб. Поранешниот селектор на А-тимот и фудбалска легенда Драган Канатларовски е приклучен како соработник во стручниот штаб на младинската селекција.

Младата репрезентација на Македонија денеска почнува со тренинзи за претстојниот пријателски натпревар против Словенија на 3 јуни во Терме Чатеж. Претходно, избраниците на Милевски ќе имаат и меѓусебен тест натпревар.