Драма во Италија: Дали Гасперини ќе одигра за „својот“ Јувентус?

Остануваат 90 минути во Италија, се ќе се знае вечерва, дуелот во Бергамо е најавен како натпревар од 50 милиони евра за Милан. Киксот на „росонерите“ го чека Јувентус, кој прво ќе мора да ја победи Болоња. Синиша Михајловиќ им порача да не се надеваат премногу, дека неговите фудбалери ќе сторат сè за да ги запрат. Не дека Михајловиќ му прави услуга на Милан, тој се грижи за себе, иако е во конкуренција за наследникот на Пирло.

Андреа Пирло вчера изјави дека неговата судбина не зависи од четвртото место, но малкумина се согласуваат со тоа. Доколку Јувентус вечерва остане без Лигата на шампионите, речиси е сигурно дека многумина ќе ја платат цената.

Навивачите на Јувентус повеќе се плашат од својот тим отколку од исходот во Бергамо. Милан е десеткуван, отпадна и Ребиќ, а се верува дека Аталанта ќе игра во полна сила. Гасперини планира да го изведе најсилниот тим.

Некои велат дека тој ќе стори се за да му помогне на Јувентус, каде беше тренер на помладите категории и директор на младинската школа, но никогаш не доби шанса во првиот тим. Гасп е роден во околината на Торино, тој ја помина школата на Јувентус, но не дебитираше во седумдесеттите години во тимот што владееше со Италија. Никогаш не се врати во Јувентус како играч. Иако е дете на клубот, тој го напушти Торино во 2003 година и започна независна кариера во Кротоне.

Аталанта ќе игра за себе, Гасперини сака неговиот тим да биде второпласиран, што ќе биде најдобриот пласман во историјата на клубот. Во овие пет години, тој не успеа да го освои шампионскиот трофеј, но Аталанта играше во Лигата на шампионите веќе неколку сезони.

На крајот, Јуве може да чека и Наполи да направи грешка, но тоа е малку веројатно со оглед дека на стадионот „Диего Армандо Марадона“ доаѓа Верона, која веќе подолг период е на одмор. Наполи е сигурен во победата, тоа би бил проштален подарок од Гатузо кој го напушта клубот, а најверојатно ќе пристигне Спалети на тренерската позиција.

Дуелите во Болоња, Бергамо и во Неапол ќе се играат вечерва од 20:45 часот.