На 71-годишна возраст, по тешко боледување денеска почина поранешниот фудбалер Јастре Јаневски. Јаневски беше дел од само два клуба во својата кариера, настапуваше за Работнички и за Вардар. Тој во периодот од 1968 – 1972 година беше дел од Работнички, потоа седум години го носеше дресот на Вардар, а од 1979 – 1983 година уште четири сезони мина во Работнички.
По завршувањето на кариерата работеше и во младинската школа на Работнички.
