Легендарниот голман на Реал Мадрид, Икер Касилјас, кој сега работи во Фондацијата на „кралскиот клуб“, завршил во болница откако не се чувствувал добро играјќи падл – тенис со свој пријател. Тој веднаш заминал во Универзитетската клиника во Мадрид, барајќи лекарска помош. Касилјас повторно почувствувал тегоби во работата на срцето.
Пред две години, на 1 мај 2019 година, Икер Касилјас претрпе акутен миокарден инфаркт за време на тренинг во Порто и по ова ја заврши фудбалската кариера. Пред четири дена тој на социјалните мрежи потсети на најголемото животно искушение.
