Португалскиот стратег Жозе Мурињо од следната сезона се враќа во Италија и ќе ја предводи Рома. Тоа дел од „нероаѕурите“ можеби го доживуваат и како „предавство“ со оглед дека Мурињо отсекогаш велел дека Интер е неговиот тим во Серија А. Пред една деценија, тој со Интер освои тројна круна, а во составот беше и најдобриот македонски фудбалер Горан Пандев.
Во тој тим беше и Марко Матераци, кој нема „влакна на јазикот“ и затоа многу често го прашуваат за коментари во италијанските медиуми.
„Мурињо во Рома? Ќе беше уште полошо ако одеше во Јувентус или во Милан за сите „нероаѕури“. Искрено, ќе бев многу поизненаден ако го преземеше Јувентус. Сигурно дека добро размислил пред да го направи овој потег, тој ми е пријател и му посакувам среќа“, изјави Марко Матераци.
