Каталонскиот гигант Барселона донесе одлука да го продаде Осман Дембеле во летниот преоден рок. Клубот за него бара 60 милиони евра и ќе се обиде да ја реализира зделката што е можно побрзо. Оваа одлука на раководството на клубот од „Камп Ноу“ доаѓа откако Дембеле одбил да го продолжи договорот.
Неговиот важечки договор е до јуни 2022 година, а наводно францускиот офанзивец преговара со Јувентус да се пресели во Торино како слобоеден агент. Барселона не сака да дозволи таков развој на настаните и ќе инсистира на негова продажба по завршувањето на сезоната, доколку работите сепак не се променат во наредните триесетина дена.
За Осман Дембеле се интересираат Пари Сен Жермен, Арсенал, Јувентус и Манчестер Јунајтед.
