Турскиот гигант Фенербахче е заинтересиран за ангажман на новиот бисер на македонскиот фудбал, член на Работнички и младински репрезентативец на Македонија, Лука Станковски, дознава МАКФУДБАЛ. Тој би можел да тргне по стапките на Елиф Елмас и да се пресели во Фенер доколку иницијативата на главниот скаут за Балканот се преточи и во официјална понуда која Фенербахче ќе ја испрати до клубот од Дебар Маало.
Фенербахче е во напредни преговори со Месут Озил за мегатрансфер на Германевцот од Арсенал, но паралелно клубот работи и на други засилувања. Едно од имињата кои се во списокот на Ерол Булут е токму Лука Станковски.
Младиот фудбалер на Работнички имаше одлична полусезона во дресот на „романтичарите“, постигна седум гола и беше еден од најзабележителните играчи во Првата фудбалска лига.
Пред три години, од Работнички во Фенербахче трансфер оствари Елиф Елмас кој одигра две сезони во турскиот клуб, а потоа направи уште поголем трансфер во италијанскиот калчолигаш Наполи.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski