Црвена Звезда го победи Партизан со 1-0 во 164. вечно дерби на српскиот фудбал и ги разреши сите дилеми околу шампионската титула. „Црвено-белите“ сега имаат 12 бода предност во однос на Партизан на осум кола до крајот и речиси е невозможно за конкурентите тоа да го надоместат.
Мирко Иваниќ беше стрелец на победничкиот гол за Црвена Звезда во 58.минута. Тој најдобро се снајде во шеснаесетникот по корнерот од десната страна и со удар со глава ја затресе мрежата на Партизан.
