Напаѓачот на Милан, Златан Ибрахимовиќ, е подготвен да потпише нов договор со клубот, пренесува „Калчомеркато“. Триесет и деветгодишниот шведски репрезентативец ќе добие 7 милиони евра за новата едногодишна верност кон клубот од „Сан Сиро“.
Ибрахимовиќ се врати во Милан во јануари 2020 година. На 31 август го продолжи договорот до крајот на оваа сезона, а одличните игри го препорачаа за уште една дополнителна сезона во дресот на Милан.
Напаѓачот оваа сезона одигра 23 натпревари, постигна 17 гола и забележа две асистенции.
