Францускиот интернационалец Ентони Марсијал нема да може да му помогне на тимот на Манчестер Јунајтед во наредниот период. Тој многу веројатно ќе отсуствува до крајот на сезоната во Премиер – лигата откако го повредил коленото за време на репрезентативната сесија.
„Марсијал се повреди на настап за репрезентацијата. Тоа е секогаш така, ги пуштате во националниот тим и стискате палци да се вратат здрави. За жал, Ентони го повреди коленото и нема да биде достапен до крајот на шампионатот“, откри Оле Гунар Солскјер.
