Белгискиот интернационалец Еден Азар се врати во тимот на Реал Мадрид и го издржа комплетниот тренинг. Ова предизвика насмевка кај тренерот Зинедин Зидан во пресрет на суперважните натпревари на „кралскиот клуб“. Претстои двомечот со Ливерпул во четвртфиналето на Лигата на шампионите, а следната седмица и „Ел Класико“, мегадуелот против Барселона.
Еден Азар заработи повреда на скочниот зглоб, но успеа да се опорави и побрзо од очекувањата откако мина неколку дена со физиотерапевтот на белгиската фудбалска репрезентација. Се врати во Мадрид без болки, во петокот го одржа првиот тренинг, а викендов веќе работи со максимален интензитет.
