Европскиот првак Баерн Минхен е премногу силен, може и без Роберт Левандовски да ја исполни целта во дербито на Бундес-лигата. Тимот на Ханси Флик оствари минимална победа на гости (0-1) против Лајпциг и побегна седум бода на врвот на табелата во германскиот шампионат.
Леон Горецка беше стрелец на победничкиот гол за баварскиот тим на дуелот со второпласираната екипа. Тој во 38.минута на асистенција на Томас Милер ја затресе мрежата на Лајпциг.
Баерн Минхен сега е на врвот со 64 бода, пред Лајпциг со 57, а на третата позиција е Волфсбург со 54.
