Подготвени за борба во Дуисбург (ФОТО)

Фудбалската репрезентација на Македонија го одржа официјалниот тренинг пред утрешниот дуел со Германија во Дуисбург. Освен казнетиот Илија Несторовски, селекторот Игор Ангеловски ги има на располагање сите фудбалери, а Дарко Велковски и Аријан Адеми го издржаа тренингот и ќе конкурираат за составот.

Велковски ги пропушти првите два меча против Романија и против Лихтенштајн, но се опорави од повредата на бутниот мускул и најверојатно ќе може да ја засили одбраната на утрешниот меч. Аријан Адеми имаше дозирана минутажа на првите два меча, но подготвен е за 90 минути против селекцијата на Јоаким Лев.