Англискиот премиерлигаш Арсенал има желба да го задржи норвешкиот интернационалец Мартин Одегард уште една сезона на „Емирати“. Тој пристигна од Реал Мадрид на шестмесечна позајмица, а потоа треба да се врати на „Сантијаго Бернабеу“. Но, Микел Артета и раководството на „топчиите“ ќе се обиде да издејствува одличниот играч за врска да остане во Лондон и наредната сезона.
Одегард по доаѓањето во Арсенал се наметна како еден од носителите на играта во средниот ред, донесе креативност и агресивност во играта, а Микел Артета е одушевен од неговите квалитети.
Враќањето на Мартин Одегард во „кралскиот клуб“ зависи од Зинедин Зидан, кој не му даде голема шанса за настап во првиот дел од оваа сезона. Токму затоа и Норвежанецот побара да замине на позајмица во друг клуб каде ќе има поголема минутажа.
