Менаџерот на Тотенхем, Жозе Мурињо, не му дозволи на еден од најдобрите фудбалери во тимот, Хјонг – Мин Сон да одговори позитивно на повикот за настап во националниот тим. Крилниот напаѓач беше повреден и не играше на последните два натпревари, но во меѓувреме се опорави од повредата. Сепак, не доби дозвола да замине и да ги брани боите на Јужна Кореја.
„Ако играчот не може да игра за клубот, не може да игра ниту за репрезентацијата. Тоа е толку едноставно“, изјави Мурињо.
Од селекцијата на Јужна Кореја на крајот мораа да ја прифатат одлуката на менаџерот на Тотенхем.
