Напаѓачот на Саутемптон, Дени Ингс, би можел да биде замената за Серхио Агуеро во нападот на Манчестер Сити. Тој ќе влезе во последната година од актуелниот договор со клубот и тоа го прави полесно достапен за останатите клубови. Пеп Гвардиола има одлично мислење за реализаторските способности на Ингс и може лесно да се случи тој во јули да пристигне на „Итихад“.
Дени Ингс не успеа да се докаже во Ливерпул, а сега би можел да добие нова голема шанса во голем европски клуб. Доколку успее да се вклопи во машинеријата на Гвардиола тогаш би направил неверојатен чекор напред во кариерата.
Манчестер Сити, како и сите останати европски гиганти, се надева дека ќе успее да го купи и Ерлинг Халанд од Борусија Дортмунд.
