Агим Ибраими е повторно дома. По пет години, одличниот играч за врска пак е во тренерките со национални обележја. Доби повик да помогне на стартот од квалификациите за мундијалот во Катар. Неговото знаење и искуство секако ќе биде добредојдено.
Ибраими игра во одлична форма во албанскиот прволигаш Кукс и е прв стрелец на шампионатот. Македонските навивачи се уште се сеќаваат на неговите фантастични игри во дресот на Македонија, голот против Словенија, некогашните победи…Сега Агим заедно со помладите, можат многу во квалификациите за мундијалот во Катар, но и на Европското првенство.
