Реал Мадрид оствари триумф против Селта пред репрезентативната пауза, а тренерот Зинедин Зидан упати пофални зборови за напаѓачот Карим Бензема. Тој блескаше на последните два меча за „кралевите“, а Зидан на свој начин го критикуваше селекторот Дидие Дешамп што се уште не го повикува Бензема во националниот тим на Франција.
„Вие тоа никогаш нема да го разберете, впрочем како што и јас не го разбирам. Но, ако ме прашувате како тренер на Реал Мадрид, тогаш е подобро што Бензема не игра за Франција. Подобро е да остане со нас. Тој е спектакуларен играч, но можеби некој и не може тоа да го сфати“, изјави Зинедин Зидан.
