Одличен викенд за браќата Ристовски. Стефан Ристовски имаше асистенција за погодок во дресот на Динамо Загреб во минималниот триумф против Горица (1-0). Тој во 47.минута испрати одличен центаршут за Бруно Петковиќ кој го постигна победничкиот гол за „модрите“.
Помладиот брат Милан Ристовски, кој на позајмица од Ријека игра во Спартак Трнава, го постигна победничкиот гол за својот тим на дуелот против Дунајска Стреда (3-2). Напаѓачот погоди во судиското продолжение откако најдобро се снајде во противничкиот шеснаесетник.
