Силекс оствари голем триумф (0-3) против Македонија ЃП на гости во Ѓорче Петров и направи три големи чекори напред во битката за бегство од опасната зона на табелата. Тимот на Горан Симов овојпат комплетно го надигра противникот, делуваше самоуверено, конкретно, создаде голем број шанси и постигна три гола. Убедлива победа за Силекс, а сосема заслужено признание за шефот на стручниот штаб.
Во изборот на МАКФУДБАЛ, тренерот на Силекс, Горан Симов, го доби признанието за најдобар тренер во 23.коло од Првата фудбалска лига.
