Удинезе испушти победа против Милан на „Сан Сиро“ играјќи 1-1, а „росонерите“ се спасија од пенал во 97.минута. Пеналот го реализира Франк Кеси.
Македонскиот репрезентативец Илија Несторовски го одигра целиот меч и беше еден од најдобрите играчи во гостинскиот тим. Стрелец на голот за Удинезе беше Родриго Бекао во 68.минута на асистенција на Де Пол, но гостите не издржаа до самиот крај.
Сега Милан има три бода негатива во однос на Интер, а „нероаѕурите“ имаат и меч помалку на врвот на табелата.
Горан Пандев ги одигра последните дваесетина минути од градското дерби меѓу Џенова и Сампдорија кое заврши без победник. Запакоста донесе предност за Џенова, а израмни Тонели.
Рома успеа да слави триумф (1-2) на гости против Фиорентина, а Аталанта беше убедлива против Кротоне (5-1).
