Белгијците го објавија списокот, изненадување е враќањето на Витсел

Селекторот на Белгија, Руди Гарсија, го објави списокот за натпреварот против Македонија во Гент на 10 октомври. Тој направи мало изненадување со вклучувањето на Аксел Витсел во репрезентативниот список, искусниот играч кој подолг период не беше дел од националниот тим.

Сепак, ако се знае дека повреден е Јури Тилеманс, тогаш Витсел секако е „бекап“ во средниот ред.

Поради повреда во составот не се наоѓа Ромелу Лукаку, но затоа на списокот се имиња како Кевин Де Бруин, Жереми Доку, Шарл де Кетеларе, Лоис Опенда, голманот Тибо Куртоа.