Македонскиот првак Шкендија утревечер (20 часот) на Арената „Тодор Проески“ го игра реванш натпреварот против ТНС во воведното квалификациско коло од Лигата на шампионите. Првиот меч заврши без голови, а еден од оние кои се очекува да постигнат погодок или два на реваншот секако е Бесарт Ибраими.
„Мојата работа е да постигнувам голови и не бегам од тоа. Но, не е важно дали јас ќе бидам стрелецот, најважно е тимот да одигра добро и Шкендија да се пласира во следната рунда. Нѐ очекува уште еден тежок натпревар со ТНС, но ние ќе сториме сѐ за да ја оствариме целта и да ги израдуваме нашите навивачи“, изјави Бесарт Ибраими.
ТНС и Шкендија на првиот дуел не постигнаа гол, но разврската ќе следи на утрешниот меч во Скопје.
