Интер е на чекор до договор со Парма за напаѓачот Анже-Јоан Бони, а клубот се надева дека ќе ја финализира зделката за сума од 24 милиони евра, откриваат италијанските медиуми.
Францускиот напаѓач е цел на „нероаѕурите“ веќе неколку месеци, а интересот дополнително се зголеми откако поранешниот тренер на Парма, Кристијан Киву, го презеде Интер, заменувајќи го Симоне Инзаги.
Миланскиот гигант бил принуден да ја зголеми својата понуда, бидејќи и Штутгарт покажал интерес за Бони. Првичната понуда од 22 милиони евра не ја задоволила Парма.
