Долго најавуваната разделба сега доби и официјална потврда, Марко Арнаутовиќ го напушта Интер. Искусниот напаѓач и австриски репрезентативец со српско потекло, за време на репрезентативната пауза јасно стави до знаење дека повеќе не е дел од миланскиот клуб.
„Заминувам од Интер. Повеќе не сум дел од тимот“, изјави кратко Арнаутовиќ, зад кого стои богато интернационално искуство – од Англија и Германија, преку Италија, до Кина.
Додека вратите на Интер се затвораат, нова можност се отвора на Балканот – Црвена звезда е сериозно заинтересирана за негов ангажман.
Белградскиот гигант веќе подолго време работи на неговото доведување, а самиот Арнаутовиќ не крие симпатии кон клубот од „Маракана“.
