Фудбалската репрезентација на Англија продолжува со перфектен ефект во квалификациите за Светското првенство, откако вечерва забележа трета победа во низа, совладувајќи ја Андора со 0-1 на гостински терен.
Одлучувачкиот момент се случи на стартот од второто полувреме – во 50. минута, кога Хари Кејн се најде на вистинското место по асистенција на Мадуеке и рутински го совлада голманот на домаќините.
Англичаните до крајот одиграа контролирано, без да дозволат поголеми закани по својот гол, а со новите три бода направија уште еден чекор поблиску до пласман на Мундијалот.
