Силекс и Тимовски продолжуваат заедно со својата фудбалска приказна. Кратовскиот прволигаш официјално потврди дека еден од своите најверни и највредни играчи, Ангелче Тимовски, ќе остане дел од тимот и следната сезона.
Офанзивниот десен бек, кој е вистински симбол на клубот, долго време го носи црвено-синиот дрес, а досега има запишано 215 настапи за Силекс.
Продолжувањето на соработката со Тимовски е само уште една потврда дека Силекс сериозно размислува да игра важна улога и следната сезона во Првата лига, а да оствари успеси и во квалификациите за Конференциската лига.
