Македонскиот прволгаш Силекс доведе уште едно засилување. Нов член на кратовскиот тим е 20-годишниот дефанзивец Малик Хамзиќ.
Хамзиќ е младински репрезентативец на Македонија и во Силекс доаѓа од редовите на Гостивар. Станува збор за играч од одбраната со добар потенцијал, кој веќе има забележителни настапи во домашниот шампионат, а сега ќе има можност за нов предизвик во дресот на кратовскиот клуб.
Силекс активно се подготвува за новата сезона, а со ангажманот на Хамзиќ најавува јасна стратегија за подмладување и засилување на одбраната. Кратовци ќе ја претставуваат Македонија во квалификациите за Конференциската лига.
