Марко Барони е назначен за нов тренер на Торино, објави клубот од Серија А. Поранешниот тренер на Лацио ќе го замени Паоло Ваноли, откако потпиша двегодишен договор со плата од 1,3 милиони евра по сезона.
Барони се раздели со Лацио во понеделникот, по само една сезона на чело на тимот, а враќањето на Маурицио Сари во римскиот клуб беше објавено истиот ден.
61-годишниот стратег ги презеде „орлите“ минатото лето и долго време ги држеше во првата четворка, но серија од три натпревари без победа на крајот од сезоната го симна тимот на седмата позиција, со што римјаните останаа без место што води во европските натпреварувања.
Негов нов предизвик ќе биде клупата на Торино.
