Македонската фудбалска репрезентација, по одличниот старт на квалификациите за Светското првенство, ја привршува сезоната со уште два исклучително важни натпревари.
Селекторот Благоја Милевски во средата го соопшти списокот на повикани фудбалери, а денеска веќе се одржа и првиот собир. Речиси сите избраници се појавија на стартот на подготовките за претстојните дуели против силната Белгија и незгодниот Казахстан.
Сепак, не мина сè без проблеми – поради повреди од списокот отпаднаа Никола Серафимов, Дарко Велковски и Лирим Ќамили.
Милевски повика и еднo ново лице во националниот тим – Стефан Деспотовски, играч на ОФК Београд, кој ќе дебитира во репрезентативниот дрес.
Првиот предизвик на „црвено-жолтите“ ќе биде селекцијата на Белгија. Дуелот е закажан за 6 јуни од 20.45 часот. Три дена подоцна, Македонија ќе гостува во Астана каде ќе се соочи со Казахстан.
Евро-фудбал
Хуго Дуро со „ножички“ го исече Леванте (ВИДЕО)
Интернационалци
Несторовски двоен стрелец за Славен Белупо
Прва лига
Силекс освои три бода во Ѓорче Петров
Тимови
