Ајакс доживеа шок на гости против Гронинген, откако испушти победа (2-2) во 99.минута. Ова реми најверојатно ќе му ја одземе и титулата. Пред последното коло во Холандија, сега ПСВ Ајндховен, кој славеше со 4-1 на домашен терен, има еден бод предност и со триумф против Спарта Ротердам ќе стигне до шампионскиот трофеј.
Ајакс ќе ја имаше предноста доколку успееше да го задржи водството од 1-2. Гронинген имаше и играч помалку, а успеа да постигне гол за израмнување преку Тилмен Блокзијл, буквално во последниот напад.
