Ашраф Хакими беше еден од хероите на големата вечер на ПСЖ во реваншот против Арсенал. Со својот гол за 2-1, мароканскиот дефанзивец го запечати пласманот на „светците“ во финалето на Лигата на шампионите и испрати моќна порака до сите скептици.
„Неверојатно… Погледнете ја оваа атмосфера! Работевме неуморно за да стигнеме до овој момент. Толку многу луѓе не веруваа во нас, но ние не се предадовме. Се боревме, заедно како едно семејство. Овој момент е за нашите навивачи, за нашите семејства и за сите што нѐ поддржуваа“, изјави емотивниот Хакими по последниот свиреж.
Хакими не пропушти да му оддаде признание и на човекот зад сцената – тренерот Луис Енрике.
„Горди сме. Луис Енрике направи неверојатна работа. За само една година, од овој тим изгради вистинска машина. Сите вложивме многу, но тој е вистински гениј“, додаде тој со почит.
