Францускиот првак Пари Сен Жермен и италијанскиот шампион Интер ќе се сретнат во финалето на Лигата на шампионите на 31 мај во Минхен, на „Алијанц арена“. Тимот на Луис Енрике и во реваншот го совлада Арсенал во 2-1, и со вкупен резултат од 3-1 оствари пласман во финалето.
Фабијан Руиз во 27.минута упати проектил и успеа да го совлада Раја за водство од 1-0.
Во вториот дел, по асистенција од ВАР собата, беше досуден пенал за ПСЖ, но Раја го одбрани ударот на Витиња во 69.минута.
Сепак, само три минути подоцна Ашраф Хакими погоди за 2-0 и го реши патникот во финалето.
Арсенал до крајот успеа само да постигне почесен погодок во овој полуфинален двомеч преку Букајо Сака во 76.минута.
