Саудискиот клуб Ал-Хилал ја поставил ѕвездата на Манчестер Јунајтед, Бруно Фернандеш, како главна трансферна цел во своите планови, пренесуваат повеќе реномирани извори. Деветнаесеткратниот шампион на Саудиска Арабија е подготвен да понуди сериозна финансиска понуда за Португалецот, но сака трансферот да се реализира што е можно побрзо, за плејмејкерот да биде на располагање за претстојното Светско клупско првенство, кое ќе се одржи од 15 јуни до 13 јули во САД.
Клубот од Ријад има сериозни планови за засилувања, а една од нивните главни цели беше и Мохамед Салах, но Египќанецот реши да остане во Ливерпул.
Англиските медиуми потврдуваат дека во изминатите недели имало средба меѓу претставници на двете страни, но ваков трансфер е малку веројатен бидејќи од „Олд Трафорд“ немаат намера да се разделат со својот капитен.
Ал-Хилал има долгогодишен интерес за Бруно Фернандеш и двете страни веќе имале разговори уште минатото лето, но Португалецот досега не покажал сериозна желба да го напушти европскиот фудбал.
