Барселона ќе биде активна во летниот трансфер прозорец, но без големи турбуленции. Тренерот Ханси Флик има јасна цел – засилување на бековските позиции и на левото крило.
Во фокусот ќе биде изборот на ново офанзивно засилување. Во конкуренција се четири имиња, а најновото е Адемола Лукман од Аталанта. Тој е најдостапната опција, бидејќи би можел да пристигне за сума од 35 милиони евра.
Другите три опции се познати од порано. Прва желба на спортскиот директор Деко е Луис Дијаз од Ливерпул, но неговата цена е околу 70 милиони евра, што го прави компликувана цел. Во игра е и Рафаел Леао, но Португалецот не е меѓу приоритетите на Ханси Флик, а неговата цена надминува 80 милиони евра.
Нико Вилијамс, кој имаше приоритетен статус минатото лето, останува меѓу опциите. Тој има откупна клаузула од 60 милиони евра, што го прави второто најевтино решение по Лукман.
Флик сака дополнителна конкуренција на крилните позиции, а Рафиња може да ротира со Ламин Јамал. Ансу Фати не е во плановите, а Феран Торес се гледа како опција за централен напаѓач.
Јасно е дека еден од овие четворица најверојатно ќе пристигне во Барселона ова лето.
